Eolas
Tá 16 Ranna Rialtais ann. Déanann an
Taoiseach aire a cheapadh chun dul i gceannas ar gach roinn. Liostaí
Airí agus Airí Stáit anseo.
Tá foireann oibre buan ag gach roinn a fhanann sa roinn fiú má thagann
athrú ar an Rialtas atá i réim. Tugtar an Státseirbhís ar an bhfoireann oibre buan
seo.
Má bhíonn gearán le déanamh faoi aon chinneadh nó aon ghníomh a
dhéanann Roinn Rialtais nó aon eagraíocht phoiblí is féidir Cosantóir
an Phobail a chur ar an eolas faoi.
D'fhógraíodh athruithe ar ainmneacha agus ar fhreagrachtaí ranna áirithe
an 9 Márta 2011.
- An Roinn
Talmhaíocht, Iascaireachtaí agus Bia: Coimeádann an Roinn seo súil
ar thionscal an bhia agus ar an tionscal talmhaíochta.
- An Roinn Ealaíon,
Oidhreachta agus Gaeltachta: Tá an Roinn seo freagrach as forbairt na
n-ealaíon agus an chultúir, agus caomhnú na oidhreacht nádúrtha agus
thógtha. Ina theannta sin, cuireann an Roinn an forbairt shóisialta,
fhisiciúil agus eacnamaíoch na gceantar Gaeltachta agus an Ghaeilge mar
theanga phríomhoide an phobail sa Ghaeltacht.
- An Roinn Leanaí
agus Gnóthaí Óige: Tá an Roinn seo freagrach as forbairt ar
bheartais chomhchuibhithe agus caighdeán seachadadh seirbhíse comhtháite
do leanaí agus daoine óga. Déanann sé amach feidhmeanna sonracha i
réimse chúram sóisialta agus thiomáineann sé gníomhartha comhordaithe
thar raon earnálacha, lena n-áirítear sláinte, oideachas, ceartas
óige, spórt, na healaíona agus an cultúr.
- An Roinn Cumarsáide,
Fuinnimh agus Acmhainní Nádúrtha. Tá an Roinn seo freagrach as na
rannóga teileachumarsáide agus craolacháin chomh maith le bheith
freagrach as riaradh, cosaint agus forbairt na Mara agus ár n-acmhainní
nádúrtha. Tá freagracht taisteal na mara uirthi agus na seirbhísí
calafoirt. Tá baint ag Suirbhéireacht Gheolaíoch na hÉireann leis
an Roinn seo.
- An Roinn Cosanta. Tá
cúram ár bhfórsaí cosanta ar an Roinn seo.
- An Roinn Oideachais agus
Scileanna (An Roinn Oideachais agus Eolaíochta roimh seo). Tá sé de
chúram ar an Roinn seo oideachas poiblí a chuir ar fáil ag leibhéal
bunscoile agus iar bhunscoile. Déanann sé, freisin, bainistiú ar
íocaíochtaí stáit do Ollscoileanna agus do choláistí triú leibhéal.
Ó 2010 tá sé freagrach chomh maith as na gníomhaíochtaí traenála de
chuid FÁS agus leis an obair an Ghrúpa Saineolaithe ar Riachtanais
Scileanna sa Todhchaí.
- An Roinn Comhshaoil, Pobal
agus Rialtais Áitiúil. Déanann an Roinn seo forbairt a chothú agus
áiseanna a chosaint. Tá sé i gceannas ar údaráis áitiúla. Tá
freagracht ar an Roinn seo i dtaobh forbartha tuaithe agus áitiúil in
Éirinn. Chomh maith leis sin tá cúramaí ar an Roinn maidir le
tithíocht, ritheann sí toghcháin, cuireann sí scrúduithe tiomána ar
fáil agus déanann cinnte go dtugtar cosaint don timpeallacht. Tá baint
ag an Oifig
Mheitéareolaíochta agus ag an Institiúid Éireannach um Chosaint
Raideolaíoch leis an Roinn seo.
- An Roinn Airgeadais.
Tá cúram airgeadais agus eacnamaíochta an Stáit ar an Roinn seo.
- An Roinn Gnóthaí Eachtracha
agus Trádála. Cuireann an Roinn seo ár leasa chun cinn thar lear
agus déanann sí cosaint orthu. Cothaíonn sé freisin suíochán agus
athmhuintearas ar oileán na hÉireann. Tá sé freagrach freisin as
trádáil eachtrach agus a fhorbairt.
- An Roinn Sláinte. Tá an
Roinn seo freagrach as forbairt polasaí sláinte agus pleanáil na
seirbhísí sláinte. tá na seirbhísí sláinte ar fáil ag
Feidhmeannacht na Seirbhíse Sláinte (FSS).
- An Roinn Post, Fiontar agus
Nuálaíochta: Tá sé de chúram ar an Roinn seo forbairt a dhéanamh
ar fhiontair, ar fhostaíocht, ar thrádáil agus tá sí freagrach freisin
as oibrithe a chosaint agus gnónna a rialú. Tá sé freagrach freisin as
an gClár um Thaighde in Institiúidí Tríú Leibhéal.
- An Roinn Dlí agus Cirt,
agus Comhionannais (An Roinn Dlí agus Cirt agus Athchóraithe Dlí
roimhe seo). Tá sé mar aidhm ag an Roinn seo an Stát a chosaint,
coireanna a smachtú agus saoirse agus cearta an duine a chaomhnú. Tá
cúram inimirce agus iarratais dídine uirthi freisin.
- An Roinn Caiteachais Phoiblí agus
Athchóirithe: Cuireann sé comhairle ar an Rialtas maidir le
bainistiú agus smacht a bheith ar an Rannóg Phoiblí.
- An Roinn Coimirce
Sóisialaí (An Roinn Gnóthaí Sóisialacha agus Teaghlaigh roimh
seo). Soláthraíonn an Roinn seo ioncam agus seirbhísí tacaíochta eile.
Tá sé freagrach as na fostaíochta agus seirbhísí pobail codanna de
FÁS agus an Scéim Sóisialta Tuaithe chomh maith le freagracht as
íocaíocht na n-íocaíochtaí iomarcaíochta agus dócmhainneachta.
- Roinn an Taoisigh.
Tugann an Roinn seo tacaíocht riaracháin agus taighde don Taoiseach agus
don Rialtas.
- An Roinn Iompair,
Turasóireachta agus Spóirt. Tá an roinn seo freagrach as na bóithre
(seachas bóithre áitiúla), tástáil tiomána, saincheisteanna tráchta,
iompar bus agus traenach, beartas eitleoireachta, agus sábháilteacht
bóithre in Éirinn. Tá sé freagrach as an turasóireacht inmharthanach a
mhéadú. Chomh maith leis sin cuireann an Roinn spórt chun cinn ag
leibhéil áitiúil, réigiúnda agus náisiúnta.
